Janë ditët e fundit të saj, pasi fadromat janë pozicionuar në Pedonalen e Molos dhe brenda pak ditësh kjo shëtitore nuk do ekzistoj më.
Ndërkohë, që për fillimin e punimeve në këtë bypass nuk është vënë në kontakt Bashkia Shkodër, ku ditën e sotme përmes mediave është
mësuar se do të mbyllet Pedonalja e Molos pranë urës së vjetër të Lumit Buna në Shkodër.
Burimet për Gijotina.com pranë Bashkisë Shkodër tregojnë se nuk kanë pasur dijeni për nisjen e këtyre punimeve dhe është mjatur një procesverbal për punime të paligjshme. Ndëkohë, Pas reagimeve të qytetarëve dhe kërkesës së tyre për mosprishjen e Pedonales së Molos si pjesë e projektit të investimit “Ndërtim i By Pass Perëndimor Shkodër, Loti 2” ka reaguar Bashkia Shkodër.
Përmes një postimi në ‘Facebook’, Bashkia Shkodër kërkon nga subjekti ndërtues që të ndalohen menjëherë punimet vijuese. Pasi, punimet që po bëhen ditën e sotme, janë pa një leje ndërtimi që duhet të miratohet pikërisht nga Bashkia Shkodër.
Sipas inxhinierit të firmës kontraktuese për këtë projekt, pedonalja ekzistuese do të shkatërrohet, do të priten edhe pemës dhe niveli i rrugës do të ngrihet aq sa është shtrati i rrugës së By- Pass- it.
Ambjentalisti Mirsad Basha, e quan absurde prishjen e pedonales në hyrje të qytetit për shkak të dëmit të madh mjedisor që po shkaktohet dhe kërkon që punimet të ndalen sa më shpejt.
“Nuk do të shkatërrohet vetëm pedonalja e pjesës së Molos, do të shkatërrohet edhe një pjesë faune e lumit Buna. Rruga do të afrohet afro 10 metra afër Bunës dhe do të krijhet një digë për qytetin dhe do të ndahet qyteti nga lumi e liqeni. Qytetarët kanë pak pika atraktive në qytet dhe është një kërkesë që i është bërë bashkisë dhe qeverisë prej disa viteve. Është kërku që projekti Loti 2 të ndalohet si punim, sepse shkatërrimi është shumë i madh për turizmin, dhe kjo gjë nuk e parandalon përmbytjen, këtë e kemi pa edhe me përmbytjet e fundit” -Mirsad Basha(ambientalist).
Edhe qytetarët janë kundër prishjes së pedonales, pasi për to është pjesa më e bukur e qytetit dhe aty dalin çdo ditë për shëtitje, ndërsa nuk kanë një informacion për mbylljen e kësaj të fundit.
Vlerat e kësaj pedonale për kryeqendrën e veriut janë të mëdha, një pjesë e biznesit edhe mund të shkatërrohet nga këto punime, ndërkohë që qytetarët nuk do të mund të shijojnë xhirot e tyre të mbrëmjes.
Ndërkohë, është tentuar edhe para 7 vitesh prishja e pedonales në hyrjes të qytetit, por atëherë u ndal si shkak i reagimit qytetar. Edhe kësaj here pritet që qytetarët dhe organizatat mjedisore të protestojnë duke qenë kundër prishjes së pedonales.
