Aeroporti i Rinasit është rrethuar sot nga trupat e forcave ushtarake pasi ka përfunduar sot stërvitja “Rinas 22”. Në këtë stërvitje kanë marrë pjesë trupat e Policisë Ushtarake dhe sot Ministria e Mbrojtjes bëri me dije se gjatë kësaj periudhe janë testuar me kujdes kapacitet operacionale.
Sipas ministrisë trupat treguan aftësitë e tyre dhe demonstruan nivel të lartë përgatitjeje. “Trupat e Policisë Ushtarake treguan aftësitë e tyre më të mira në stërvitjen “Rinas 22”, gjatë së cilës testuan kapacitetet operacionale. Efektivët e kompanisë së parë demonstruan nivel të lartë përgatitjeje, të denjë për detyrat dhe përgjegjësitë kanë, siç ishte dhe Task Forca e Përbashkët e Gatishmërisë Shumë të Lartë, një strukturë e NATO-s e aftë për t’u dislokuar kudo dhe kurdo brenda 2-3 ditëve”, thekson ministria e Mbrojtjes. Sakaq, bëhet me dije se stërvitje të tjera do të ketë në vijim.
Discussion about this post