Një ngjarje e pazakontë ka ndodhur në Poloni, nga ku mësohet se në zyrën e Presidentit të Federatës Polake të Futbollit është vendosur përgjues.
Lajmi është bërë publik nga vetë federata, e cila ditën e premte doli në një komunikatë për mediat ku njoftoi se në zyrën e Cezary Kulesza është gjetur një pajisje përgjuese.
Pajisja në fjalë i është dorëzuar autoriteteve, që kanë siguruar gjurmët dhe ndjekin çështjen. Informacione të tjera në lidhje me këtë ngjarje pritet të bëhen publike në vijim, ndërsa nuk dihet nëse përgjuesi është vënë për të zbuluar detaje në lidhje me punët e federatës apo ka të bëjë me çështje personale të Kuleszas./K.T/Gijotina.com
