Nëndetëset me energji bërthamore të flotës veriore të Rusisë kanë lëshuar raketa lundrimi në detin Barents, si pjesë e një stërvitje në ujë. Lajmi është bërë i ditur nga agjencitë ruse të lajmeve që citojnë një deklaratë të Flotës Veriore.
“Raketat e lundrimit të nëndetëseve bërthamore të Flotës Veriore shënjestruan objektiva detarë në detin Barents”, njoftoi agjencia e lajmeve TASS.
Raketat e lundrimi Kalibr dhe Granit janë lëshuar nga nëndetëset me energji bërthamore Severodvinsk dhe Orel, në një distancë prej rreth 170 km sa i përket objektivit, duke simuluar ndarjen e anijeve zbarkuese të armikut.
“Stërvitja luftarake u përfundua me sukses. Armët raketore të përdorura kanë konfirmuar edhe një herë karakteristikat e tyre të qenësishme dhe besueshmërinë e lartë“, citoi Interfax.
Deti Barents, pjesë e Oqeanit Arktik, ndodhet në brigjet veriore të Norvegjisë dhe Rusisë dhe ndahet midis ujërave territoriale norvegjeze dhe ruse. Për këtë arsye zona e gjuajtjes së raketave ishte e mbyllur paraprakisht për lundrimin dhe fluturimet civile.
Discussion about this post