Cristiano Ronaldo dhe Mason Greenwood nuk i pasojnë asnjëherë njëri-tjetrit dhe kjo gjë ka krijuar shumë probleme te skuadra e Manchester United.
ESPN raporton se kjo gjë ndodh për shkak se lojtarët nuk kanë mirëkuptim dhe ishte kjo një nga arsyet që shkaktoi edhe humbjen e turpshme ndaj Liverpool me rezultatin 5-0.
Trajneri Ole Gunnar Solskajer duket se e ka humbur rëndësinë e tij që nga mbërritja në ‘Old Trafford’ e portugezit dhe se nuk po mundet që ta bëjë këtë të fundit që të bashkëpunojë me 20-vjeçarin në fushë.
Problemi i pasimeve është vërejtur nga të gjithë në skuadër, ndërsa Ronaldo është gjithmonë e më i frustruar me Greenwood.
Talenti është një finalizues i rrallë dhe shpesh herë ka qëllim që të realizojë vet gol, me portugezin nga ana tjetër që do donte që shoku i skuadrës t’i pasonte atij.
Në një situatë të tillë duket se edhe nëse do të bëhej shkarkimi i Solskajer zgjidhja nuk do të gjendej, pasi të dy lojtarët janë shumë kokëfortë./K.T/Gijotina.com
