Tre incidente të rënda ajrore kanë ndodhur gjatë ditës së sotme duke përfshirë, shpërthimin në flakë të avionit Boeing 737-800 ku humbën jetën 179 persona, një ulje emergjente të avionit AirCanada në aeroportin Halifax Stanfield dhe një devijim të avionit KLM Royal Dutch Airlines në aeroportin Oslo Torp Sandefjord.
Avioni i Air Canada, i cili po udhëtonte nga Aeroporti Ndërkombëtar i Stanfield për në Halifax, bëri një ulje emergjente për shkak të një mosfunksionimi të pajisjes së uljes. Një pasagjere tregoi për CBC News se një nga gomat e avionit nuk ishte vendosur siç duhet, duke shkaktuar një ulje të rrezikshme në një kënd prej rreth 20 gradë të majtë. Ajo përshkroi një zhurmë të fortë, e cila dukej si një përplasje, kur krahu i avionit nisi të rrëshqiste përgjatë pistës.
Pas incidentit, pasagjerët u evakuuan dhe u dërguan për kontroll në një hangar të aeroportit. Fatmirësisht, nuk ka pasur viktima, dhe si masë paraprake, fluturimet në aeroportin Halifax u pezulluan përkohësisht.
Një tjetër incident i ngjashëm ka ndodhur në Norvegji, ku fluturimi i KLM Royal Dutch Airlines nga Oslo për në Amsterdam pati një problem hidraulik pak pas ngritjes, duke detyruar avionin të devijonte dhe të ulej në aeroportin Sandefjord, rreth 110 kilometra në jug të Oslos. Për fat të mirë, askush nga pasagjerët dhe ekuipazhi nuk u dëmtua. KLM ka konfirmuar se hetimet për këtë incident janë duke u zhvilluar dhe pasagjerët janë kujdesur mirë pas ngjarjes, duke u evakuuar me ndihmën e ekipeve të urgjencës që mbërritën shpejt.
Ndërkohë që ngjarja më e rëndë është ajo e ndodhur në Korenë e Jugut ku një avion Avioni Boeing 737-800, që transportonte 176 pasagjerë dhe gjashtë anëtarë të ekuipazhit, devijoji duke u përplasur me murin rrethues të pistës.
Pas uljes, avioni shpërtheu në flakë duke i marrë jetën 179 personave dhe vetëm 2 kanë mbijetuar.
Shkaku i rrëzimit të avionit dyshohet të ketë qenë një goditje nga zogjtë Kështu tha një nga dy anëtarët e shpëtuar të ekuipazhit.
Discussion about this post