Çfarë po planifikojnë? Arjola Demiri shfaqet në krah të Ramës: Me një… (FOTO)

Mbrëmjen e djeshme kryeministri Rama shtroi një iftar për besimtarët që agjërojnë përgjatë muajit të begat të Ramazanit.

Mes besimtarëve të pranishëm ishte edhe aktorja e humorit Arjola Demiri, e cila ka shpërndarë fotografi në rrjetin e saj social në Instagram.

Ndër fotot që ka ndarë me ndjekësit e saj, ish-banorja e “Big Brother Vip” ka publikuar edhe një foto me kryeministrin Edi Rama.

Arjola krahas fotos me kryeministrin ka shkruar edhe disa fjalë urimi për të.

“Me një artist të përjetshëm. Kryeministri më i mirë”.

Kujtojmë se Arjola Demiri ka shprehur më herët ambicien për t’u bërë deputete pas përfshirjes së saj në politikë, si mbështetëse e Partisë Socialiste. Një vit më parë u tha se ajo do të kandidonte edhe për deputete për llogari të PS.

Madje, gjatë fushatës ajo u pa herë pas here e angazhuar në zgjedhje pranë stafit të Kryeministrit Edi Rama, të cilin e kishte njohur në sheshxhirimet e filmit të Ermal Mamaqit “I love Tropoja”, kur Arjola ishte protagoniste.

Ndërsa në një intervistë tjetër në emisionin “Open”, Demiri tregoi se arsyeja që ajo vendosi të futet në politikë, është Tropoja, ndërsa pyetjes: Do të doje të bëheshe deputete, iu përgjigj: “Pse jo?”