Mançester Siti ka fituar një ndeshje të jashtëzakonshme ndaj Real Madrid në gjysmëfinalen e parë në Ligën e Kampioneve, të mbyllur me shifrat 4-3 për skuadrën angleze. Të parët që kaluan në avantazh ishin vendasit në minutën e dytë me një gol me kokë nga De Bruyne. Nuk u mjaftuan me kaq, ku në minutën e 11-të, Gabriel Jesus dyfishon shifrat ndaj një Reali të pafuqishëm.
Benzema mbanë gjallë rezultatin ku në minutën e 33-të shënon golin për rezultatin 2-1. Pjesa e parë mbyllet me këto shifra edhe pse City ka domionuar totalisht lojën. Pjesa e dytë nis përsëri me një gol nga sulmuesi anglez, Foden. Djaloshi shënoi një gol me kokë në minutën e 53-të. Por dy minuta më vonë, Vinicius Jr realizon një gol të mrekullueshëm duke dërguar rezultatin në 3-2.
Manchester City u kundërpërgjigj përsëri në minutën e 74-të, ku Bernardo Silva i vetëm dërgoi topin në rrjetë. Dukej e pamundur për Real Madrid të përmbyste rezultatin ndaj një Manchesteri tepër të fuqishëm. Por Benzema nuk e mbylli me kaq natën e tij në “Etihad”, ku në minutën e 82-të realizoi nga pika e bardhë e penalltisë për të mbajtu shpresat e ekipi gjallë për ndeshjen e kthimit në “Santiago Bernabeu”.
Discussion about this post