Dy çerekfinalet e kthimit në Champions, të luajtura këtë të martë, sollën emocione të mëdha. Barcelona nuk kompleton përmbysjen e madhe dhe eleminohet në këtë fazë. Pavarësisht fitores 1-2 në këtë mbrëmje, në gjysmëfinale shkon Atletico Madrid, pasi ka triumfuar 0-2 në aktin e parë.
Për shkak të humbjes 0 me 2 në Barcelonë, përfundon këtu ëndrra e ekipit të Flik. Në anën tjetër, Diego Simeones i erdhi në ndihmë VAR për dy raste.
Pjesa e parë prodhoi spektakël. Dy gola për Barcelonën ku autorë ishin Jamal dhe Torres, ndërsa Lukman shënoi në minutën e 31-të për të vulosur fatin e sfidës. Pretendimet për penallti nuk munguan te Barcelona në pjesën e parë.
Në fraksionin e dytë, VAR u bë protagonist absolut. Fillimisht anuloi një gol të Torres për Barçën dhe më pas solli kartonin e kuq për Garsian te katalanasit.
Shifrat nuk ndryshuan deri në vërshëllimën përfundimtare, me Barcelonën që kthehet në shtëpi përpara kohe, ndërsa në Madrid festa është e “ligjshme”.
PSG-ja e Luis Enrikes i dha “leksion” kampionësh Liverpulin, duke e mposhtur edhe në duelin e kthimit me rezultatin 0 me 2. Dopeita e Osman Dembelesë në “Anfield”, e bëri PSG-në skuadrën e parë franceze që arrin për herë të tretë radhazi në gjysmëfinalet e Champions League, dhe duke eliminuar ekipin e drejtuar nga Arne Slot për të dytin vit radhazi.
Nga ana tjetër, Liverpul tashmë rrezikon të mbetet pa trofe këtë sezon, ndërsa Arne Slot përballet me një sfidë të madhe për të siguruar një vend në pesëshen e parë të Premier League, pasi dështimi mund të sjellë largimin e tij në fund të sezonit.
ATLETIKO MADRID 1-2 BARCELONA
31′ Lukman – 4′ Jamal, 24′ Torres
77′-79′ Karton i kuq për Erik Garsian pas rishikimit me VAR. (VIDEO)
31′ GOOOL! Atletiko Madrid 1-2 Barcelona/ Lukman tund rrjetën duke rikthyer festën te vendësit. (VIDEO)
24′ GOOOL! Atletiko Madrid 0-2 Barcelona/ Torres tund rrjetën. (VIDEO)
4′ GOOOL! Atletiko Madrid 0-1 Barcelona/ Jamal kalon në avantazh katalanasit. Rihapet sfida çerekfinale. (VIDEO)
LIVERPOOL – PSG 0-2
Dembele 73′, 90+1′
GOLI I DEMBELES: VIDEO
PENALLTIA E ANULUAR ME VAR:VIDEO
gijotina.com/
Discussion about this post