Barcelona ka fituar 3-1 ndaj Benfica-s dhe kualifikohet për në çerekfinale, aty ku do presë fituesin e Lille-Dortmund. Sfida e sotme nisi shumë vrullshëm, ku u shënuan 2 gola për dy minuta.
Në minutën e 10-të, një aksion fantastik i katalanasve, Lamine Yamal asiston shumë bukur për Raphinha-n, braziliani nuk e ka aspak të vështirë të dërgojë topin në rrjetë.
Benfica nuk dorëzohet dhe reagon direkt. Otamendi u tregua i saktë me kokë, duke barazuar shifrat pas krosimit të ardhur nga goditja e këndit.
Në minutën e 26-të, pasi bëri një lëvizje të bukur nga këndi anësor, Lamine Yamal shënon gol spektakolar, duke ngritur në këmbë gjithë tifozët e pranishëm në stadium, të cilët duartrokasin klasin e treguar nga spanjolli.
Në minutën e 41-të do të ishte Raphinha që do shënonte golin e tretë për katalanasit dhe të dytin personal për këtë takim. Por e gjithë merita për golin e tretë është e Alejandro Balde, i cili vrapoi me topin në këmbë për një distancë 70-80 metra dhe në fund asistoi për Raphinha-n, që nuk e kishte aspak të vështirë për të shënuar. Pjesa e parë mbyllet 3-1 për katalanasit.
Në pjesën e dytë, katalanasit thjesht administruan në mënyrë perfekte rezultatin dhe shifrat mbetën të pandryshuara deri në fund. Barcelona kualifikohet për më tej me rezultatin total 4-1 pas të dy ndeshjeve.
Discussion about this post