Kanë përfunduar ndeshjet e orës 21:00 të mbrëmjes në Champions League.
Atalanta i ka dhënë lamtumirën Ligës së Kampioneve, pas një humbje të papritur 1-3 përballë Club Brugge, duke marr parasysh mënyrën se si rrodhën ngjarjet.
Skuadra italiane ishte ajo që bëri lojën, por ndërsa humbte rastet nga një anë. Në anën tjetër ishte skuadra belge që shënonte me çdo rast që i shfaqej, duke gjetur tre herë rrjetën në pjesën e parë. Një situatë që e bënte kualifikimin të pamundur, duke pasur parasysh edhe humbjen 2-1 të ndeshjes së parë.
Lukman i dha pak shtesë Atalantës me golin e tij pak sekonda pas fillimit të pjesës së dytë. Por më pas i njëjti futbollist humbi një penallti që mund të hapte ndeshjen, ndërsa italianët deri në vërshëllimën përfundimtare krijuan e shpërdoruan një mori rastesh, pa ia dalë të gjenin më rrjetën.
Kështu, në turin tjetër kalon Brugge, jashtë çdo parashikimi, teksa Atalanta i dha lamtumirën një turneu ku mendohej se mund të ishte protagoniste e rëndësishme e tij.
Bayern Munich mori një kualifikim të vuajtur në fundin e ndeshjes përballë Celtic. Bavarezët po mposhteshin 0-1 deri në minutën e 94-të, kur Davies i dha barazimin e kualifikimit, duke çuar shifrat në 1-1. Me fitoren 2-1 në ndeshjen e parë, Bayern kalon më tej në Champions.
Benfica barazoi 3-3 me Monacon, por portugezët kishin fituar sfidën e parë 1-0 dhe kalojnë në fazën tjetër.
Discussion about this post