Goglat e vunë përballë Partizanin, ndaj Bate Borisov, në duelin e parë të Champions League. Në lidhje më shortin e ditës së sotme, foli edhe trajneri i të kuqve, Zoran Zekiç, që në prononcimin e dhënë për kanalin zyrtar të klubit deklaroi:
“Nuk është se kemi shumë zgjedhje, vetëm duhet të presim. Duhet të kemi eksperiencë dhe më shumë kohë. Do të luajmë 2 ndeshje në Champions League, kemi vetëm 20 ditë kohë për t’i përgatitur këto ndeshje.
Tani do të fillojmë të mbledhim informacionin e nevojshëm për kundërshtarin. E dimë që është një skuadër e mirë, aktualisht janë në aktivitet, pasi po luajnë në kampionat. Duhet të jemi të zgjuar dhe të kemi disiplinë dhe punë. Të kemi mbështetjen e tifozerisë dhe të marrim energjinë e tyre për të bërë më të mirën e mundshme.
Sigurisht që duhet të mendojmë për ndeshjen e parë. Por, do të luajmë dy të tilla. Duhet të jemi vigjilent dhe të kemi përqendrimin e duhur. Shpresoj të jemi në formën tonë më të mirë. Jemi duke pritur edhe lojtarët që janë të impenjuar me ekipet Kombëtare. Unë shpresoj që ata të na bashkohen sa më shpejt këtu në fazën përgatitore në Pogradec.
Nuk kishim zgjedhje për të menduar kundërshtarët, çdo skuadër në këtë moment duhet të jetë e përgatitur dhe të jap gjithçka. Do të luajmë në Elbasan dhe jam i bindur që tifozët tanë do të na mbështesin, sikurse edhe erdhën në ndeshjen ndaj Sherif Tiraspol kur u përballa atëherë me Partizanin. Të bëjmë më të mirën të gjithë së bashku”, deklaroi Zekiç./PanoramaSport
Discussion about this post