Përfundojnë 2 ndeshjet e fundit gjysmëfinaliste në Champions League. Interi ka prerë biletën mes 4 më të mirave. Zikaltërit kanë barazuar 2-2 me Bajernin e Mynihut, por ia kanë dalë të vazhdojnë më tej falë fitores së ndeshjes së parë në Mynih me rezultatin 2-1.
Goli i parë i takimit ka ardhur në minutën e 52, ku pas një aksioni të gjatë të bavarezëve, Herri Kejn goditi bukur dhe dërgoi topin në rrjetën e Sommer.
Në minutën e 57 erdhi barazimi, Lautaro Martinez i gjendur në kohën dhe vendin e duhur dërgoi topin në rrjetë pas një rrëmuje në zonë pas krosimit nga goditja e këndit.
Tre minuta më vonë, Benxhamin Pavard kaloi Interin në avantazh, duke shënuar golin e dytë dhe duke vulosur kualifikimin. Goli i dytë erdhi sërish nga goditja e këndit, krosim i Çalhanoglu, Pavard kërceu mbi mbrojtësit e Bajernit dhë dërgoi topin në rrjetë.
Në minutën e 76, Bajerni rihapi sfidën. Dajer shënoi me kokë nga një këndi i vështirë, duke surprizuar portierin Zomer, por goli i tij vlejti vetëm për statistikë.
Në gjysmëfinale, Interi do të ndeshet me Barcelonën. Katalanasit eliminuan në çerekfinale gjermanët e Borusias së Dortmundit.
Në ndeshjen tjetër, Arsenali është ekipi i fundit që kualifikohet në gjysmëfinale pas PSG, Barcelonës dhe Interit. “Topçinjtë” mposhtën 2-1 Realin e Madridit dhe ja kanë dalë të kualifikohen më tej edhe falë fitores së ndeshjes së parë në “Emirates Stadium” me rezultatin e pastër 3-0. Nga ana tjetër, madrilenët nuk ia kanë arritur të bëjnë remuntadën e madhe në “Santiago Bernabeu”.
Pas penalltisë të humbur në pjesën e parë, Bukajo Saka shleu gabimin dhe gjeti golin në Madrid. Sulmuesi zhbllokoi rezultatin në minutën e 64, pas asistit të Mikel Merin-s.
Gjithsesi kundërpërgjigja e madrilenëve erdhi një minutë më vonë, Vinicius Zhunior përfitoi nga një gabim i pafalshëm i mbrojtësit të Arsenalit dhe dërgoi topin në rrjetë duke barazuar shifrat.
Kur mendohej se ndeshja do të mbyllej në barazim, Arsenali gjeti golin e fitores në minutën e 90+3. Kundërsulm perfekt i anglezëve me Martinelin i cili finalizoi në mënyrë perfekte.
Pjesa e parë e sfidës u mbyll në barazim pa gola, por me shumë debate sidomos për penalltinë e anuluar për Realin.
Në minutën e 24, pas një krosimi në zonë, Mbape pati një kontakt me Deklan Rajs dhe u rrëzua në tokë, arbitri akordoi fillimisht penallti, por ndërhyri VAR.
Në gjysmëfianle, Arsenali do të ndeshet me PSG. Francezët eliminuan në çerekfinale anglezët e Aston Vilës.
Discussion about this post