Champions League mbrëmjen e sotme do të luajë 4 duele të tjera të “zjarrta”, të cilat marrin padiskutim vëmendjen e tifozëve.
8 ekipe do të bëjnë mes tyre llogaritë e ndeshjeve të kthimit të “Play-Off”, ku synojnë fitoren për të siguruar kualifikimin në fazën tjetër.
Kështu gjithçka do të startojë me përballjen Atalanta – Dortmund, sfidë kjo e cila nis në orën 18:45. Dueli i parë mes tyre ka përfunduar me shifrat 0-2 në favor të gjermanëve, me Berat Gjimshitin që do të kërkojnë përmbysjen e madhe.
Në orën 21:00 do të luhen 3 duelet e tjera. Juventusi pret Galatasarayn me sfidën e parë mes tyre që ka përfunduar 2-5 në favor të turqve. Një tjetër sfidë interesante është përballja mes PSG dhe Monacos, me derbin e parë francez që përfundoi 3-2 në favor të parizienëve.
Dhe sfida e fundit është mes Real Madrid dhe Benficas në “Santiago Bernabeu”. Dueli i parë mes tyre i zhvilluar në Portugali ka përfunduar me fitoren minimale të madrilenëve, të cilët tentojnë një tjetër rezultat pozitiv për t’u kualifikuar në fazën tjetër të këtij turneu.
Discussion about this post