Bayern Munchen fitoi 3-0 ndaj Lazio-s, duke përmbysur disavantazhin e ndeshjes së parë (0-1) në raundin e 1/8-ave të Champions League. Gjigandët bavarezë siguruan kalimin në fazën e çerekfinaleve pas ndeshjes së luajtur në “Allianz Arena”.
Në minutën e 38’ Kane shënoi me kokë dhe barazoi rezultatin e përgjithshëm.
Shtatë minuta më pas, pas një super asist të dhuruar nga De Ligt, Muller dyfishoi avantazhin.
Rezultatin final e vulosi Kane, që shënoi golin e tretë për ekipin e Tuchel në minutën e 66’.
Në ndeshjen tjetër të Champions League mes Real Societad dhe Paris Saint-Germain, francezët triumfuan edhe në Spanjë me rezultatin 1-2, duke eleminuar spanjollët nga kompeticioni më i rëndësishëm i klubeve me rezultatin e përgjithshëm 4-1.
Në “Reale Arena”, Kylian Mbappe ishte protagonist absolut, me sulmuesin që realizoi dy golat e kësaj sfide për PSG.
25-vjeçari zhbllokoi ndeshjen në minutën e 15’ duke shfrytëzuar në maksimum pasimin e Dembele, me Mbappe që më pas tregoi të gjithë potencialin e tij, një gol që vendosi pjesën e parë.
Në fraksionin e dytë, Sociedad provoi të ndryshonte ndeshjen, por nuk ia doli, kjo pasi Mbappe shënoi përsëri shumë shpejt. Francezi shënoi në minutën e 56’ këtë herë pas asistimit të Kang-In Lee dhe i vetëm përballë portierit Remiro nuk gaboi.
Në fund, baskët rihapën ndeshjen me anë të Mikel Merino në minutën e 89’, por ishte një gol që nuk ndikoi në llogaritë e kualifikimit.
Discussion about this post