Kylian Mbappe duket se nuk pranon asnjë propozim të Paris Saint-Germain për të rinovuar kontratën.
Sipas “L’Equipe” lojtari kërkon vetëm largimin dhe për këtë arsye nuk ka pranuar as kontratën që ekipi parisien i ka ofruar së fundmi.
Francezi po kërkon një aventurë të re dhe tashmë është e ditur se preferenca e tij e vetme është Real Madrid.
Madrilenët ofruan rreth 170 milionë euro në verën e këtij viti, shifër që u refuzua nga PSG, me këta të fundit që besonin se lojtari do rinovonte kontratën.
Ndërsa tashmë raportohet se as në takimin e fundit mes përfaqësuesve të Mbappes e bordit të klubit francez, nuk është arritur marrëveshje për rinovim të kontratës.
Sulmuesi ka vendosur të largohet në fund të këtij edicioni, gjë që lë të nënkuptohet se bisedimet me ‘Los Blancos’ mund të fillojnë nga 1 janari.
Rikujtojmë se Real Madrid dhe PSG do të përballen në fazën e eliminimit direkt në Champions League në muajin shkurt.
Në ato dy takime Kylian Mbappe mund të luajë kundër Madrilenëve si lojtar i tyre në marrëveshje, por që duhet të pres deri në verën e vitit 2022 që të veshë fanellën./K.T/Gijotina.com
Discussion about this post