Këtë të martë në Nyon të Zvicrës duke nisur nga ora 14:00 është hedhur shorti i Champions League.
Tre skuadrat kampione të trevave shqiptare, Partizani, Ballkani dhe Struga janë njohur me kundërshtarët që do të kenë përballë në raundin e parë.
Partizani, kampioni i Shqipërisë, do të ketë kundërshtar në këtë raund ekipin bjellorus të BATE Borisov.
Ballkani, si kampione e Kosovës, do të vendoset përballë skuadrën e Ludogorets, një short “ferri” për ekipin nga Suhareka.
Ndërsa Struga, kampione e Maqedonisë së Veriut, do të ketë rivalë në këtë raund skuadrën lituaneze të Zalgiris, ekip që ka eliminuar Ballkanin në raundin e parë të Champions League sezonin e kaluar.
Discussion about this post