Shorti për raundin e 1/8 të Champions League është anuluar vetëm një orë pas hedhjes në Nyon të Zvicrës. Shkak i këtij vendimi është bërë fakti se sipas UEFA-s pas një problemi teknik me softuerin e një ofruesi të jashtëm shërbimi që udhëzon zyrtarët se cilat skuadra kanë të drejtë të luajnë me njëra-tjetrën, ndodhi një gabim material në shortin për raundin e 16-të të Ligës së Kampionëve të UEFA-s.
Pas shortit të anuluar, u hodh në orën 15:00 tjetri, ku skuadrat kanë njohur kundërshtarët e tyre në këtë fazë të kompeticionit.
Ekipet ishin ndarë në dy vazo, ku në të parën ishin skuadrat: Manchester City, Liverpool, Ajax, Real Madrid, Bayern Munich, Manchester United, Lille, Juventus.
Vazo e dytë ishte e rezervuar për: Paris Saint-Germain, Atletiko Madrid, Sporting Lisbona, Inter, Benfica, Villarreal, Salzburg dhe Chelsea.
Dyshet e fazës së 1/8 të Champions League:
Salszburg – Bayern Munich
Sporting CP – Manchester City
Benfica – Ajax
Chelsea – LOSC
Atletico Madrid – Manchester United
Villarreal – Juventus
Inter – Liverpool
PSG – Real Madrid
Ajo që mund të shihet në këto çifte është se Atletico Madrid-Manchester United, Inter-Liverpool dhe PSG-Real Madrid shihen si përballjet më të forta, ndërsa për Bayern dhe Manchester City kjo fazë shihet si më e thjeshtë.
Në të njëjtën kohë këto ndeshje do të vënë përballë rivalë të vjetër, Griezman do të ketë përballën Ronaldon edhe pse të dy në ekipe të ndryshme.
Ndeshja PSG-Real Madrid është interesante pasi rivalë si Messi e Benzema do përplasen me njëri-tjetrin, por në të njëjtën kohë në këtë dyshe do të shohim Sergio Ramos përballë ish-skuadrës së tij./K.T/Gijotina.com
Discussion about this post