Mbrëmjen e sotme do të luhen tre ndeshje vendimtare që do të përcaktojnë fituesit që do iu bashkohen 26 skuadrave të kualifikuara direkt për në fazën e grupeve të Champions League, pasi do të luhen ndeshjet e kthimit në ‘Play-off’.
Të treja takimet fillojnë në orën 21:00, ndërsa PSV do tentojë të përmbysë rezultatin e takimit të parë me Benficën që përfundoi me shifrat 2-1. Ashtu si holandezët edhe ekipi i Myrto Uzunit, Ferencvarosi do tentojë përmbysjen kundër Young Boys, pasi në Zvicër u mposhtën me rezultatin 3-2.
Humbje e cila i rëndon shqiptarit, pasi humbi një penallti që mund t’u kishte dhënë barazimin e takimit të parë.
Ndërsa takimi i fundit është ai midis Ludogorets dhe Malmos. Ndeshje që u fitua nga suedezët me shifrat 2-0, ndërsa skuadra bullgare tenton gjithashtu përmbysjen./Gijotina.com
