Eventi më i rëndësishmë i futbollit për klube, UEFA Champions League, rikthehet sonte për të luajtur fazën e 1/8-ave me dy sfida interesante.
Main eventi i sotëm mund të konsiderohet pa asnjë dyshim rematch-i i finales së vitit të kaluar mes Liverpoolit dhe Realit të Madridit. “The Reds” vijnë nga një moment tepër i vështirë në kampionat, gjithsesi në stadiumin e tyre, falë mbështetjes së tifozerisë së tyre të zjarrtë, nuk do t’ia bëjnë të lehtë kampionëve në fuqi, ndaj të cilëve kërkojnë të marrin hak.
Dueli tjetër i mbrëmjes është sfida italo-gjermane me Napolin që i duhet të luajë në Frankurt përballë vëndasve të Eintracht. Kryesuesit e Serisë A duan të konfirmohen edhe në Europë por mbajtësit e trofeut të Europa League do kërkojnë të bëjnë surprizën.
Sfidat do të nisin në orën 21:00.
Discussion about this post