Këtë të enjte Atalanta u përball me Villarealin për ndeshjen e vlefshme të fazës së grupeve në UEFA Champions League.
Kjo ndeshje ishte e përcaktuar të mbahej të mërkurën, por reshtjet e borës që ‘pushtuan’ Bergamon i detyruan autoritetet e futbollit ta shtynin këtë takim ditën e enjte që përfundoi me rezultatin 3-2 në favor të Villareal.
Miqtë nga Spanja ishin të parët që kaluan në avantazh, në sfidën që u zhbllokua që në minutën e 3’ nga goli i Danjuma. Në fund të pjesës së parë, Villareal do të shënonte sërish, këtë herë me Capoue që dyfishon shifrat në 2-0.
Tre gola rezervoi pjesa e dytë e këtij takimi, ku sërish miqtë do të shënonin duke thelluar rezultatin në 3-0, por Atalanta do të reagonte me Malinovsky dhe Zapatën me dy gola të shpejtë, por pa mundur të bëjnë ndryshimin.
Trajneri Gosens e mendoi të vlefshëm kontributin e shqiptarit Berat Gjimshiti, dhe vendosi ta aktivizojë atë në minutën e 46’ të kësaj mbrëmje.
Në përfundim të këtij takimi, Villareali pozicionohet në vendin e dytë të grupit F me 10 pikë, ndërsa Atalanta e treta me 6 pikë, tani e detyruar të garojë në Europa League.
Discussion about this post