Vllaznia e Shkodrës, ka treguar edhe një herë se nuk ka mëshirë për askënd, sidomos kur luan në shtëpi teksa ka mundur me rezultatin 4-2 skuadrën e Hajvalisë në “Loro Boriçi”, duke kaluar kështu në fazën e dytë kualifikuese të UEFA Ëomen’s Champions League.
Ishte Berisha ajo që kaloi në avantazh kuqeblutë në minutën e 16’, teksa Misini barazoi në të 34’ me një gol fantastik. Në fuindin e pjesës së parë, Gjini kaloi sërish në avantazh kampionet e Shqipërisë.
Në pjesën e dytë Bashka realizoi një supergol nga më shumë se 30 metra, teksa Mahmuti u përpoq të rihapte sfidën, por në minutat e fundit, ishte sërish Berisha ajo që i dha golin e katërt dhe fitoren kuqebluve.
Kështu Vllaznia do të ketë përballë skuadrën e Valurit në raundin e dytë kualifikues dhe nëse do të arrijë të kalojë do të shkojë në fazën “play off”, ku do tentojë të përsërisë historinë e një viti më parë.
Discussion about this post