Janë mbyllur dy ndeshjet e para të Champions League, ku Maccabi Haifa dhe Copenhagen kanë bërë surprizat e radhës në këtë kompeticion.
Skuadra izraelite ka arritur të mposhtë “Zonjën e Vjetër” me rezultatin 2-0. Që në minutën e 7-të Atzili do të gjente rrugën e rrjetës duke i dhënë avantazhin vendasve, ndërsa në minutën e 42-të përsëri Atzili do të gjente golin e dytë personal.
Juventusi nuk mundi dot të bënte asgjë përballë dëshirës së izraelitëve për të siguruar 3 pikët, teksa as 45-minutat e dyta nuk do të ndryshonin asgjë në rezultatin e kësaj sfide. Pas Kësaj fitoreje Maccabi shkon në kuotën e 3 pikëve, po aq sa Juventusi, i cili rrezikon tashmë seriozisht dhe kalimin e grupit.
Copenhagen nga ana tjetër ka ndalur në barazim 0-0 Manchester City. Vlen të theksohet se Rodri do të gjente rrugën e rrjetës në minutën e 11-të, por VAR do ta anulonte për pozicion jashtë loje. Përsëri City do të kishte mundësinë të gjente rrugën e rrjetës, por Mahrez në 25’ do të humbte penalltinë.
Në sfidën e luajtur në “Parken Stadium” nuk pati asnjë gol, teksa të besuarit e Pep Guardiolës mbeten me 10 lojtarë pas daljes me të kuq të Gomes në minutën e 30-të.
Edhe minutat e mbetura nuk sollën gol në këtë duel, duke u mbyllur kështu me rrjeta të paprekura. Me këtë barazim Manchester City ka arritur të grumbullojë 10-të pikë në 4 ndeshje të luajtura, ndërsa Copenhagen ka grumbulluar vetëm 2 pikë.
Discussion about this post