Champions-Mbyllen pjesët e para. Milani në avantazh. Paqe në Londër

Janë mbyllur pjesët e para të dy sfidave çerekfinale të Ligës së Kampioneve, Napoli-Milan dhe Chelsea-Real Madrid.

Në Londër, Chelsea dhe Real Madrid i janë drejtuar dhomave të zhveshjes me rezultatin e bardhë 0-0.

Rezultat ky që favorizon spanjollët duke pasur parasysh  që “Los Blancos” triumfuan në sfidën e parë 2-0.

Rasti më i rrezikshëm i përket minutës së 33-të. Modriç shpërthen në zonë në krahun e djathtë dhe gjuan drejt portës, por gjen përgjigjen e Kepa.

Ndërkohë, Milani e ka mbyllur në avantazh fraksionin e parë të lojës në transfertë ndaj Napolit.

Goli i kuqezinjve erdhi në minutën e 43-të. Leao dhuron spektakël, i shmang të gjithë që i dalin përpara, pason për Giroud, që me portën e boshatisur nuk fal duke shlyer kështu edhe penalltinë e humbur në minutën e 22-të.