Harry Kane këtë edicion ka ruajtur standardin e tij sa i takon realizimit të golave, teksa ka shënuar 35 gola e ka dhënë 10 asist në Bundesligë, ndërkohë që edhe në Champions e ka gjetur rrugën e rrjetës në 7 raste e ka shërbyer 3 herë për shokët e skuadrës.
Në 41 ndeshje, Kane ka arritur që të japë kontribut në 55 gola. Shifra të jashtëzkonshme për një sulmues, por në fund trofetë janë ata që mbahen mend.
Në këtë drejtim Kane, është i pafat, në plot kuptimin e fjalës. Kalimi i tij te Bayern në verë u pa si një siguri që më në fund sulmuesi i Anglisë të koleksiononte një medalje të artë, por gjithçka shkoi për ters, së paku deri tani. Bayern u mund në finalen e Superkupës, u eliminua nga Saarbrücken në Kupën e Gjermanisë, dhe pas 11-vitesh titulli kampion nuk u fitua nga bavarezët.
Askush më shumë se Kane nuk mund të mos e ndjej dëshpërimin e tani në fokus për sulmuesin e Bayern është Champions League. Bayern do të luajë me Real Madrid në gjysmëfinale e pa dyshim që Kane do të jetë më i motivuar se kurrë që të thyejë tersin që e ka ndjekur gjatë gjithë karrierës.
Sikur të mos i mjaftonte aventura e rreth një dekade me Tottenham dhe tek bavarezët mund të dalë duarbosh, ndaj në Champions do ketë një motiv akoma dhe më tepër se të tjerët.
Discussion about this post