Napoli është skuadra e momentit në europë. Italianët përveç se kryesojnë Serie A, duke bërë ligjin në Itali, napolitanët nuk ndalen as në Champions League, teksa tashmë kanë prerë biletën për në fazën tjetër.
Të besuarit e Luciano Spallettit kanë mposhtur Ajax me shifrat 3-2 në sfidën e luajtur në “Maradonna”. Që në minutën e 4-të Lozano do të kalonte në avantazh vendasit, teksa goli i dytë do të vinte në minutën e 16-të nga Raspadori.
Fraksioni i dytë i kësaj sfidë do të ishte edhe më emocionues, pasi do të shënoheshin edhe 3 gola të tjerë. Klaassen në të 49-të do të ngushtonte shifrat, por 62-të Kvaratskhelia do të tregohej i saktë nga penalltia për të çuar shifrat 3-1.
Goli i dytë për skuadrën mike do të vinte nga Bergwijn S. 83’ po me penallti, por kur mendohej se kjo sfidë do të përfundonte 3-2, Osimhen do të shnëonte për Napolin edhe golin e 4-të në minutën e fundit, duke vulosur kështu këtë duel.
Pas kësaj fitoreje Napoli kryeson grupin A me 12 pikë, ndërsa Ajax mbetet në kuotën e 3 pikëve pas 4 ndeshjeve të luajtura deri më tani.
Ndërkohë në duelin tjetër, Atletico Madrid nuk ka mundur dot të shkonte më shumë se barazimi pa gola ndaj Club Brugge, në sfidën e luajtur në “Metropolitano”. Edhe pse skuadra mike do të mbetej me 10 lojtarë pas daljes me karton të kuq të Sowah në minutën e 82-të, përsëri spanjollët nuk mundën të gjenin rrugën e rrjetës.
Pas këtij barazimi, Atletico mbetete e dyta me 4 pikë, ndërsa club Brugge kryeson me 10 pikë, duke qenë surpriza e grupit B, pasi tashmë është skuadra e dytë pas Napolit që kalon më tej në këtë kompeticion.
Discussion about this post