Tifozët e trajnerit Graham Potter për momentin mund të qetësohen në lidhje me fatin e idhullit të tyre.
Duket se nuk do të ketë lëvizje në pankinën e bluve të Londrës. Të paktën tani për tani. Chelsea nuk ka plane ta shkarkojë ish-trajnerin e Brighton-it.
Kështu shkruan edicioni i sotëm i tabloidit britanik “Mirror”, sipas të cilit pronari i klubit 2-herë fitues të UEFA Champions League, Todd Boehly, ka vendosur ta konfirmojë trajnerin edhe pas disfatës ndaj Southampton të shtunën e kaluar.
Chelsea aktualisht, me 31 pikë, ndodhet në vendin e dhjetë në tabelë e renditjes së Premier League. kryeqytetasit janë edhe skuadra e cila vetëm gjatë periudhës së merkatos së janarit shpenzoi mbi 300 milionë euro për ta forcuar organikën.
Discussion about this post