Chelsea dhe Liverpool ‘ndajnë’ nga një pikë

Derbi i javës së parë në Premier League mes Chelseas dhe Liverpoolit është mbyllur në barazim (1-1).

Reds e nisën më mirë takimin, duke qenë më të rrezikshëm me disa raste.

Si pasojë e kësaj erdhi edhe goli, kur në minutën e 18-të asistimin e Mohamed Salah e ktheu në gol Luis Diaz për 1-0.

Liverpool shënoi edhe një herë në minutën e 29-të me Salah, por egjiptiani ishte në pozicion jashtë loje dhe pas rishikimit të VAR u anulua goli.

Chelsea mori baraspeshën në minutën e 37-të, kur Alex Disasi shënoi nga afër për 1-1.

Pas dy minutash londinezët shënuan edhe njëherë me Ben Chilëell, por edhe ky gol u anulua për pozicion jashtë loje pasi u shikua në VAR.

Pjesa e dytë ishte më e dobët dhe më me pak raste nga të dyja skuadrat.

Në minutat e fundit të dy skuadrat kishin nga një rast të mirë që të merrnin fitoren, por nuk ia arritën.

Chelsea dhe Liverpooli marrin nga një pikë në javën e parë.

Sorry this is the LUIS DIAZ Goal Assist by SALAH pic.twitter.com/7Lx64MvPqM

— Abdul Hadi Ibrahim (@ibnhadi4) August 13, 2023