Me dëmtimin fatkeq të Armando Brojës, bordi drejtues i Chelsea është “hedhur” menjëherë në sulm, për gjetjen e një zëvendësuesi ideal, gjë që ia ka arrirë ta bëjë.
David Datro Fofana, kështu quhet “blerja” më e re e “bluve”, për një shifër pak më të madhe se 10 milionë euro. Në Stamford Bridge janë ende në pritje të disa procedurave për të përfunduar operacionin, që do të siguronte përfundimisht shërbimet e 19-vjeçari.
Megjithëse në një moshë shumë të re, 19-vjeçari nga Bregu i Fildishtë nuk e ka patur “problem” të shënojë 21 gola dhe të dhurojë 7 asistime këtë sezon në ligën norvegjeze, numra të cilët kanë bindur drejtuesit e Chelseat se ai ishte sulmuesi që u duhej për të shoqëruar Aubameyang dhe Havertz.
Përveç kësaj, Fofana konsiderohet nga mediat norvegjeze, si lojtari më i mirë i ri dhe sulmuesi i dytë më i mirë në ligën norvegjeze.
Discussion about this post