Pritej e vështirë, por aventura e Mauricio Pochettino te skuadra e Chelseat të Londrës ka qënë tejet e komplikuar me skuadrën që në dy javë, ka grumbulluar vetëm një pikë, ndaj Liverpoolit në debutimin sezonal. Pochettino, i cili është ende në kërkim të fitores së tij të parë si trajner i Bluve pas humbjes së derbit të së dielës kundër West Ham.
Humbja ndaj West Ham ishte katastrofike, prej faktit se ekipi i David Moyes fitoi 3-1, me Hammers që e luajtën pjesën më të madhe të ndeshjes me 10 lojtarë.
Duke u fokusuar, tashmë, te takimi i të premtes në mbrëmje, në letër, një duel në shtëpi kundër të sapoardhurve në Premier League dhe favoritëve për të rënë Luton Town duket mundësia e përsosur për t’u rikthyer në hapat e duhura, por “Hatters” nuk janë ai ekip që duhet nënvlerësuar.
Fizikaliteti dhe intensiteti i skuadrës së Rob Edwards është ajo që i çoi ata në promovim përmes play-off-eve të Championship-it sezonin e kaluar, por ata kanë pësuar një humbje shumë të rëndë 4-1 nga Brighton në ndeshjen hapëse, impakti i tyre i parë me Premier League.
Ndeshja e fundjavës së kaluar u shty për shkak të punës së vazhdueshme në Kenilworth Road, kështu që Luton do të jetë i gatshëm për të shkuar i etur për të shkaktuar një surprizë të hidhur kundër një ekipi si Chelsea që nuk është ende në formë të mirë.
Udhëtimit drejt Stamford Bridge do të jetë një moment fantastik për tifozët e “Hatters”, të cilët po shikonin ekipin e tyre në Ligën e Dytë pesë vjet më parë.
Natyrisht, sipas bookmakers-ave, Chelsea kuotohet favorit absolut, në këtë duel, me Pochettinon edhe ekipin e tij që nuk duan të tjera zhgënjime.
Përsa i përket rreshtimeve, ende nuk ka një informacion zyrtar se kush do të aktivizohet nga minuta e parë, në këtë duel, megjithatë, mediat hipotetizojnë se Chelsea, mund të aktivizojë nga minuta e parë, blerjen e re, Caicedo, që u ble shumë shtrenjtë, por që zhgënjeu në debutim, duke dhuruar një penallti në disfatën përballë West Ham.
Discussion about this post