Klubi i Chelseas është duke marrë në konsideratë që të rimarrë Eden Hazard nga Real Madrid. 30-vjeçari vazhdon të konsiderohet hero në Stamford Bridge për aq kohë sa qëndroi atje, por duket se ecuaria e tij në Spanjë nuk ishte aspak pozitive.
E përditshmja spanjolle ‘AS’ raporton se ‘Blutë’ e Londrës janë duke marrë në konsideratë rikthimin e belgut edhe pse për shkak të një dëmtimi ai nuk ka qenë aspak aktiv në fushë.
Edhe pse Chelsea ka në përbërje emra si Christian Pulisic, Hakim Ziyech apo Kai Havertz, duket se Hazard është prioritet për këtë klub.
Nëse Chelsea do Hazard, është e kuptueshme që Real do të pranojë ta shesë atë vetëm për 51 milionë paund.
Ish ylli i ‘Bluve’ i kushtoi gjigantëve spanjollë një shifër të frikshme prej 88 milionë paundëesh në qershor 2019, por vlera e tij ka rënë për shkak të dëmtimit dhe mungesës në shumë ndeshje.
Hazard ka arritur të shënojë vetëm katër gola në 30 paraqitje në La Liga që kur u transferua në Bernabeu.
Pagat do të ishin gjithashtu një pengesë, me Hazard që aktualisht merr një shifër prej 400,000 paund në javë, më shumë se çdo lojtar i Chelsea.
Ylli i Realit ka ende edhe tre vite nga mbarimi i marrëveshjes së tij aktuale dhe pak lojtarë do të merrnin në konsideratë pranimin e një uljeje të tillë të pagës në këtë fazë të kontratës.
Megjithatë duhet theksuar se Hazard mbetet një legjendë në Stamford Bridge dhe me siguri do të mirëpritet përsëri me krahë hapur nga mbështetësit e Blues.
Ai fitoi dy tituj të Premier League, Kupën FA, Kupën e Ligës dhe Europa League dy herë gjatë kohës së tij në Angli./Gijotina.com
