Chelsea ka arritur fitoren e dytë radhazi në kampionat.
Blutë e Londrës mundën 1-4 Burnleyn, në transfertë. Në pjesën e parë vendasit surprizuan me golin e Odobert, ndërsa Al Dakhil ishte i pafat, pasi realizoi në portën e tij, duke bërë kështu që skuadrat të shkojnë me rezultatin 1-1 në dhomat e zhveshjes.
Në pjesën e dytë, ekipi i Pochetinos “tundi rrjetën” 3 herë me 3 autorë të ndryshëm. P
almer, Sterling dhe Jackson përmirësuan golavarazhin e Chelseat, pas një nisje jo të mirë të sezonit. Titullar në këtë takim ishte edhe Armando Broja. Lojtari shqiptar u aktivizua për pjesën e parë të lojës, ndërsa u zëvendësua nga Jackson në minutën e 46-të.
Manchester United konfirmon edhe një herë se nuk është ky sezoni për të bërë gjëra të mëdha, pasi vuajti në maksimum në shtëpi me Brentford, duke marrë 3 pikët vetëm në fund (2-1). Dopieta e McTominay bëri të pavlefshëm golin e Jensen. Sa i përket tabelës, Chelsea zë vendin e 10-të, ndërsa “Djajtë e kuq janë një pozicion më mirë.
Discussion about this post