Chelsea ndryshon mendim për Lukakun, Interi mbetet “me gisht në gojë”

Romelu Lukaku është një nga lojtarët më të përfolur të kësaj merkatoje vere, me sulmuesin belg që është në një kryqëzim të madh.

Së fundmi, në Angli shprehen se Chelsea nuk do ta çojë më huazim 30-vjeçarin, teksa tashmë është i gatshëm të dëgjojë vetëm oferta për ta shitur.

Çmimi që “Blutë” i kanë vendosur belgut është 45 milionë euro, por është i hapur për çdo negociatë.

Interi duket se e ka të vështirë që ta blejë Lukakun, teksa dëshira e këtij të fundit është që të vazhdojë me zikaltërit, duke refuzuar dy oferta faraonike nga Arabia Saudite.

Ndoshta, në ditët në vazhdim, Lukaku, nëse Interi nuk pranon që ta blejë, mund të bëjë prapakthehum, përsa i përket ofertave nga Lindja e Mesme.