Chelsea nuk ka arritur të shkojë më tej se barazimi pa gola kundër Wolverhampton këtë fundjavë të Premier Ligës angleze.
Pas 15 minutash lojë, Daniel Podence e futi topin në rrjetë, mirëpo goli u anulua për pozitë jashtë loje.
Vendasit patën një tjetër mundësi shënimi kur Leander Dendoncker shfrytëzoi një harkim për të goditur me kokë, por ndërhyrja e Edouard Mendy ishte e mrekullueshme.
Në pjesën e dytë të takimit, një rast të mirë për ‘blutë’ e Londrës e pati Christian Pulisic, mirëpo goditja e tij u prit nga portieri Jose Sa.
Ky barazim pa gola e lë Chelsean në pozitën e tretë në renditje me 38 pikë, gjashtë më pak se lideri Manchester City.
Discussion about this post