Federico Chiesa mund t’i japë lamtumirën Juventusit në përfundim të këtij sezoni futbollistik. Talenti italian nuk po gjen hapësirë të mjaftueshme nën drejtimin e trajnerit Massimiliano Allegri, në ndryshim nga shkëlqimi që ka treguar në Kombëtaren e vendit të tij.
Duke parë edhe gjendjen e ‘Zonjës së Vjetër’, e cila këtë kampionat mund të humbasë Champions Leaguen, bën që sulmuesi ta shikojë me seriozisht largimin nga ajo.
Chiesa mund të përfundojë në Premier League ose në La Liga, ku klubet e tyre me në krye Chelsean e duan futbollistin, i cili është në pronësi të Fiorentinës, por i huazuar për dy vjet në Juventus.
Megjithatë deri në verë ka kohë që si lojtari brenda Juves ashtu edhe ‘Bardhezinjtë’ në Seria A, të rikuperojnë pozitat./K.T/Gijotina.com
Discussion about this post