Një çift shqiptar rreth të 20-tave është lënë në burg nga gjykata e Brukselit pasi janë kapur duke transportuar kokainë. Dy të rinjtë janë dënuar me gati 40 muaj ose rreth 3.3 vjet burg pasi u kapën në autostradë me 250 gramë kokainë në makinë. Në automjet efektivët e policisë gjetën pakot e kokainës ndërsa i riu shqiptar shpjegoi se lëndën narkotike e kishin marrë në Antwerp te një tjetër shqiptar. Antwerpi është një nga qytetet që dominohet nga mafia shqiptare siç bëjnë të ditur edhe raportet e policisë dhe drejtësisë belge, ndërsa ka pasur edhe të vrarë në radhët e bandave shqiptare.
Sipas rrëfimit para policisë, të riut i ishte kërkuar ta transportonte drogën nga Antwerpi për në Bastogne dhe se vajza që ishte në makinë me të nuk dinte asgjë për transportin. I riu pranoi gjithashtu se i shiste herë pas here një sasi të vogël kanabisi një të njohuri. Nga ana tjetër, avokatët mbrojtës kanë kërkuar një dënim më të butë për dy të rinjtë.
“Ajo nuk ka luajtur ndonjë rol aktiv në atë transport, kanë qenë vetëm bashkë në makinë. Sa i përket atij, ai i pranoi faktet, por ky ishte vetëm një transport i vogël. Shitja e kanabisit është një favor që u kanë bërë miqve të tyre. Ne kërkojmë një dënim me kusht” – është shprehur në kërkesën e saj mbrojtja e dy të rinjve.
Sipas gjykatës, vajza ishte në dijeni të transportit të drogës dhe për këtë arsye ajo u dënua me 18 muaj burg, nga të cilat 8 muaj iu pezulluan. Ndërsa i riu shqiptar u shpall fajtor për trafik droge dhe trafik droge dhe u dënua me një dënim prej 30 muajsh.
Discussion about this post