Detaje të reja janë zbardhur nga arrestimi i çifti shqiptaro-moldav që u arrestuan ditën e sotme në Itali, pasi u kapën me 50 kg kokainë poshtë krevatit. Bëhet me dije se bashkë me ta është arrestuar edhe një shtetas tjetër shqiptar, gjithashtu në banesën e tyre u sekuestruan edhe rreth 400 mijë euro cash.
Fillimisht janë kapur 2 pako me kokainë nga 1 kg secila, një sasi e vogël me marijuanë e 17 mijë euro, në brendësi të automjetit me të cilin ata po udhëtonin. Hetimet e mëtejshme kanë çuar në kontrollin e banesave të dy shqiptarëve ku janë gjetur gjithsej rreth 39 pako të tjera me kokainë e 390 mijë euro cash.
Gjithsej autoritetet italiane informojnë se operacioni ka çuar në sekuestrimin e gati gjysmë kuintali kokainë e rreth 400 mijë euro. Gjithashtu është sekuestruar dhe një instrument i cili përdorej për konfeksionim e drogës.
Dy shqiptarët e shtetasja moldave janë vënë në pranga me akuzën e trafikut të lëndëve narkotike e janë në dispozicion të autoriteteve gjyqësore. Siç shfaqet dhe në video, kokainë e ndarë në pako rreth 1 kg secila mban simbole të ndryshme identifikuese, herë me germa, me numra apo me figura.
Discussion about this post