Cikalleshi kundër Ronaldos, sulmuesi kuqezi kërkon golin e radhës

Al Nasr i Kristiano Ronaldos, do të presë sot skuadrën e Al Khalej të Sokol Cikalleshit në ndeshjen e javës së 26 të Superligës Arabe.

Dy skuadrat të renditura në skajet e ndryshme të tabelës, do të kërkojnë maksimumin nga ky takim, aty ku Al Nasr i vendit të dytë nuk mund të hedhë më hapa të gabuar pasi Al Itihad kryeson me 3 pikë më shumë.

Nga ana tjetër, Al Khalej i Cikalleshit renditet në vendin e 14 në klasifikim me 2 pikë më shumë se vendi i 15 që bie nga Kategoria.

Në këtë situatë, dy skuadrat duhet të marrin maksimumin. Sa i përket statistikave personale, Ronaldo ka shënuar këtë sezon 12 gola dhe 2 asiste në 12 ndeshje, ndërkohë që Cikalleshi numëron 9 gola dhe 1 asist në 24 ndeshje.