Sulmuesi i Kombëtares kuqezi, Sokol Cikalleshi ka dhënë një deklaratë pas humbjes ndaj Polonisë. Ai u shpreh se ndeshja u vendos nga një gjysmë episodi dhe se sot Kombëtarja tregoi një formë tjetër më shpirt gare.
“Sot patë një Kombëtare ndryshe, me shpirt gare. U mposhtëm me një gjysmë goli, e dinim që përballë kishim një ekip shumë të fortë, dhe Sheznji është i fortë dhe nuk na lejoi të shënonim.
Kjo Kombëtare do të bëjë krenarë shqiptarët në të ardhmen. Kjo ishte një ndeshje e vështirë, u mundëm me një rezultat minimal, nuk ka rëndësi kush do të dalë në fushë, edhe pse sot humbëm besoj se shqiptarët e ndjenë Kombëtaren sot”, u shpreh ai për “Tv Klan”.
Discussion about this post