Cikalleshi shënon supergol, VAR i prish festën sulmuesit shqiptar

Sokol Cikalleshi është rikthyer me Konyasporin pas problemeve për pagën dhe sulmuesi i Kombëtares për pak sa nuk u bë protagonist.

Në minutën e 79’, 33-vjeçari shqiptar realizoi një gol mjaft të bukur për të kaluar në avantazh skuadrën e tij përballë Istanbulsporit.

Gjithsesi pas një konsultimi me VAR, ishin centimetrat ato që bënë që goli i Cikalleshit të anulohej për pozicion të parregullt.

Teknologjia anuloi golin e 33-vjeçarit nga Kavaja për pozicion të parregullt në nisjen e aksionit, që më pas solli edhe golin.

Menjëherë pas anulimit të golit, trajneri i Konyasporit e zëvendësoi Cikalleshin, autor i 8 golave dhe 2 asisteve në Superligën turke gjatë këtij sezoni.