Ka shumë kërkime që mbështesin se ka ushqime që përmirësojnë disponimin tonë. Sigurisht që nuk ka ushqime magjike që nëse i hani, ju bëjnë të kërceni nga gëzimi! Thjesht është vërtetuar shkencërisht se ushqimet e pasura me polifenole ndihmojnë për të përmirësuar humorin, duke kontribuar si në shëndetin e përgjithshëm ashtu edhe në uljen e stresit.
Cilat janë ushqimet e pasura me polifenole që ndihmojnë për të përmirësuar humorin tonë?
Kafe
Ekspertët thonë se kafeja ka një përmbajtje të lartë të polifenoleve. Gjithsesi, për të marrë në maksimum të gjithë lëndët ushqyese që ofron duhet të kemi parasysh sa vijon: të mos kalojmë 3-4 filxhanë në ditë dhe gjithashtu të mos e teprojmë me shtimin e sheqerit.
Çokollata
Këtu po flasim për çokollatën e zezë, me një përmbajtje të lartë kakao. Kakaoja është e pasur me polifenole dhe ka një efekt antioksidant, antiinflamator dhe gjithashtu ka një efekt pozitiv në humorin tonë.
Megjithatë, kjo nuk është aq e vërtetë për çokollatën me qumësht, e cila ka shumë më pak kakao në përbërjen e saj. Në të njëjtën kohë, sa më shumë sheqer të shtuar, aq më i dobët është efekti i saj si në shëndetin ashtu edhe në psikologjinë tonë.
Erëzat
Ato jo vetëm që u japin aroma pjatave tona, por kanë edhe veti antioksiduese. Cila është erëza kryesore? Shafran i Indisë ka një efekt antiinflamator në trupin tonë, duke na mbrojtur nga sëmundje të ndryshme. Hulumtimet kanë treguar se kurkumina ka një efekt pozitiv edhe në shëndetin tonë mendor, duke na mbrojtur nga depresioni.
Çaji jeshil
Çaji është gjithashtu i pasur me polifenole, veçanërisht çaji jeshil. Përveç efektit pozitiv në humorin tonë, ka një përmbajtje të lartë me antioksidantë, të cilët mbrojnë shëndetin e kockave, veçanërisht kur rritemi.
Discussion about this post