Mëngjesin e sotëm mbërritën 150 afganë të tjerë në vendin tonë, ndërsa mësohet se 111 prej tyre janë strehuar në qytetin bregdetar të Shëngjinit.
Burime për Gijotina.com, bëjnë me dije se ata janë akomoduar në resortin turistik “Rafaelo”, dhe do të qëndrojnë aty për një kohë të pa caktuar. Zona është e rrethuar nga policia e shtetit, ndërsa është ndaluar hyrja e personave të paautorizuar.
Në dispozicion të tyre është vënë dhe stafi mjekësor që do të merret me të gjitha analizat e nevojshme dhe testet anti-Covid.
Ministria e Jashtme njoftoi ditën e sotme se në vendin tonë kanë mbërritur zyrtarisht 607 afganë ku disa prej tyre janë strehuar në resortet në bregdetin e Durrësit, ndërsa të tjerë në godinat e “Qytet Studentit”.
