Lidhja e dashurisë mes Çiljeta Xhilagës dhe futbollistit Alban Hoxha është mbajtur larg vëmendjes mediatike nga të dyja palët, ndonëse dihet se të dy bashkëjetojnë në Tiranë.E pyetur se kur do ta shohim me vello nusërie, këngëtarja është shprehur se këtë nuk e dinë ende, por lufta për dashurinë ia ka vlejtur.
“Nuk i dihet. Kam luftuar për dashurinë dhe ia ka vlejt”, është shprehur Çiljeta.
Ajo ka bërë publike dhe arsyen pse kjo lidhje dashurie mbrohet hermetikisht nga mediat dhe publiku.Dëshira për të mos u shfaqur në publik, sipas saj është nga zgjedhja e futbollistit, i cili nuk dëshiron të shfaqet në ekran e të flasë për këtë histori .Ai ka vendosur që ata të mos dalin kurrë çift bashkë në ndonjë intervistë televizive.
“Ai ka dëshirë që jeta private të mbetet e tillë, dhe unë po ashtu,” u shpreh Çiljeta.
“Jemi seriozë, s’i kemi qejf këto punë. Mua më ka pëlqyer privatësia dhe Albanit edhe më tepër”, ka thënë Çiljeta.
Këngëtarja e sheh ekspozimin në publik si prirës i ndarjes, pasi siç ajo thekson shumë çifte që janë shfaqur në mediat rozë kanë përfunduar të ndarë.
Këngëtarja rrëfeu se Albani i është bashkuar familjes së saj kur i biri ishte vetëm 3 vjeç dhe siç ajo thekson ai ka luajtur një rol të rëndësishëm në formimin e Fernandos.
“Gjërat ndonjëherë janë të shkruara! S’e kishim menduar ndonjëherë. Vinim të dy nga marrëdhënie të mëparshme. As ai s’e mendonte që do njihte dhe do dashurohej dhe as unë s’e mendoja që do njihja dhe do dashurohesha. Çdo marrëdhënie ka të mirat dhe të këqijat e veta. Ka ato ditët e bukura dhe ato peripecitë që kalon, por kur dashuria është e vërtetë dhe e fortë, çdo gjë kalohet edhe pastaj fillon merr një trajtë tjetër, kur ti kupton që nuk rri dot pa tjetrin dhe aty ti merr një vendim me veten dhe e kalon gjënë në një tjetër nivel pastaj. Albani është një djalë sentimental dhe besnik.
Është një natyrë që aty ku merr ngrohtësi dhe aty ku është mësuar, aty rri. Është njeri familjar, ka sedër shumë”, u shpreh këngëtarja.
Discussion about this post