Këngëtarja Çiljeta Xhilaga gjatë qëndrimit të saj në “Ferma VIP”, ka rrëfyer se nëna e saj tri ditë para se ajo të bëhej pjesë e këtij formati, i ishte nënshtruar seancës së parë së kimioterapisë.
Këtë të hënë, mami i saj ka hyrë në “Ferma VIP” dhe emocionet kanë qenë të mëdha. Teksa i takoi dhe i falënderoi të gjithë fermerët një e nga një, mami i Çilit, kishte një falënderim më të veçantë për Albanon dhe Elsën.
“Më kënaqni të gjithë. Edhe pse nuk jam mirë, ju ndjek. Albano i ke dhënë një mesazh Çiljetës që më shëroj, të falënderoj. Elsa, të falënderoj që i qëndron gocës kaq pranë”, u shpreh mami i Çiljetës.
Ndërkohë vetë këngëtarja, mes emocioneve tha, “Mami është e vetmja që më ka ngelur. Babi ka ikur në qiell dhe uroj që Zoti të ma lërë sa më gjatë”.
Gjatë këtij takimi, mes lotësh moderatorja Fjoralba Ponari preku jo pak zemra e publikut, duke thënë që prehri i nënës është vendi më i ngrohtë për njeriun dhe ku gjejmë paqe.
Discussion about this post