Çinari dhe fantazisti nga Venezuela në “lupë”, Partizani tenton goditjet

Partizani është hedhur në sulm për të përforcuar ekipin dhe po mundohet të shfrytëzojë situatën e Erald Çinarit te Samsunspor.

Shkodrani është nën kontratë dhe deri më tani nuk ka pranuar të largohet, ndërkohë që Partizani është i gatshëm ta marrë edhe në huazim sulmuesin anësor, shkruan Panorama-Sport.

“Demat” ndërkohë janë pranë rikthimit të një tjetër lojtari. Bëhet fjalë për mesfushorin Aristoteles Romero.

26-vjeçari së fundmi ka qenë pjesë e Deportivo Lara në Venezuelë dhe rikthimi te Partizani shikohet si një mundësi për t’u futur sërish në skenë.