Cisse nuk i paguan alimentet për fëmijën, ish-gruaja e çon në gjykatë

Lojtari i përfaqësueses së Senegalit, Pape Cisse, kishte probleme me ish-bashkëshorten e tij, të cilat i zgjidhi në gjykatë.

Sipas medias vendase “Seneweb” futbollisti dhe ish-bashkëshortja e tij, Jihan Sahara, ishin ndarë me mirëkuptim në vitin 2019.

Kujdestaria e vajzës së tyre i është caktuar zonjushës Jihan, ndërsa futbollistit i është dashur të kujdeset për edukimin dhe ushqimin e fëmijës, duke paguar shumën prej 1.526 euro në muaj.

Mirëpo qendërmbrojtësi 29-vjeçar nuk ishte aktiv që janari 2023 dhe sipas publikimit, ai ndaloi së paguari alimentet në muajt e fundit.

Kështu, ish-bashkëshortja e senegalezit shkoi në gjykatë për të zgjidhur çështjen konkrete. Në gjyqin e zhvilluar të mërkurën e kaluar, pala e ish-gruas ka kërkuar që të paguhet shuma prej 9.156 euro , ndërsa pala e futbollistit ka propozuar që pagesa të bëhet në gjashtë këste të barabarta.

Diçka që nuk u pranua nga nëna e fëmijës, pasi ajo argumentoi se shuma që detyrohet të paguajë mbrojtësi ndërkombëtar është e përballueshme.