Mediat në Angli zbuluan se Kampionët e Premier e Champions League, Manchester City arkëtuan më shumë se 16 milionë paund nga turneu aziatik, shumë më tepër nga sa Liverpooli përfitoi nga shitja e kapitenit Jordan Henderson te Al-Ettifaq.
Manchester City ka arritur dy fitore, me Yokohoma dhe Bayern Munich, duke u mposhtur nga Atletico Madrid, në turneun aziatik.
Pavarësisht fitimeve përrallore, tifozët e Manchester Cityt kanë kritikuar mungesën e nënshkrimeve të mëdha këtë periudhë merkato.
“Si na ndihmojnë këto para?, Gjithçka që shohim janë vetëm shifra të të ardhurave, por asgjë të shpenzuar,”- janë vetëm disa nga mesazhet që kanë dalë në rrjetet sociale.
Ndërkohë, Liverpool ka njoftuar zyrtarisht në rrjetet sociale, se është ndarë përfundimisht nga kapiteni Jordan Henderson pas 12 vitesh, transaksion ku ‘Reds’ kanë përfituar vetëm 14 milionë euro.
Discussion about this post