Manchester City bind me rezultatin 2-1 ndaj Leeds United në takimin e raundit të 35-të Premier League.
Gundogan gjeti rrugën drejt rrjetës në minutën e 19’ duke zhbllokuar rezultatin e kësaj sfidë.
Në minutën e 27’ ishte po ai që do të shënonte, duke u dhuruar vendasve golin e dytë.
Në minutën e 83’ ai pati mundësinë të realizonte golin e tretë personal dhe të ekipit me një ekzekutim nga pika e bardhë e penalltisë, por nuk ia doli të gjente rrugën drejt rrjetës.
Leeds United ia doli të reagonte në minutën e 85’, me Rodrigo që realizoi golin e vetëm të miqve në këtë përballje.
Pas javës së 35-të, Manchester City kryeson me 82 pikë, katër më shumë se Arsenal i vendit të dytë, teksa Leeds United renditet në vend të 17-të me 30 pikë.
Chelsea rikthehet te fitorja pas tetë ndeshjeve, duke kaluar krizë ku ndodhej. “Blutë” e Londrës morën fitoren 1-3 ndaj Bournemouth në transfertë, në takimin e javës së 35-të të Premier League.
Në minutën e 9’ Gallagher zhbllokoi takimin, duke u dhënë avantazhin miqve. Megjithatë në minutën e 21’ Vina barazoi për vendasit.
Në minutën e 82’ Badiashille riktheu avantazhin te Chelsea dhe njëkohësisht realizoi golin e tij të parë me “Blutë” e Londrës, teksa në minutën e 86’ Joao Felix realizoi golin e tretë për ekipin e tij.
Pas kësaj përballjeje Chelsea renditet në vend të 11-të me 42 pikë, teksa Bournemouth renditet në vend të 14-të me 39 pikë.
Tottenham merr fitoren minimale 1-0 ndaj Crystal Palace, me golin e vetëm të këtij takimi që u realizua nga Kane në minutën e 45+1’.
Sfida foli për më shumë “Spurs”, të cilët pas këtij takimi ngjiten në vend të gjashtë me 57 pikë, teksa Crystal Palace renditet në vend të 12-të me 40 pikë.
Wolves-Aston Villa mbyllet me rezultatin 1-0 me golin e vetëm të kësaj sfidë që u realizua nga Toti në minutën e 9’, duke zhbllokuar sfidën dhe duke i dhuruar tri pikët ekipit të tij.
Pas këtij takimi Wolves renditet në vend të 13-të me 40 pikë, teksa Aston Villa në vend të tetë me 54 pikë.
Discussion about this post