Manchester City dhe Real Madrid janë dy skuadrat e tjera çerekfinaliste në Champions League, duke iu bashkuar PSG dhe Bayern Munchen.
City fitoi 3-1 përballë Copenhagen, duke përsëritur të njëjtin rezultat si me ndeshjen e parë ndaj danezëve, që në dy takimet pësuan 6 gola dhe shënuan 2 përballë “Qytetarëve”.
Kampionët e Europës e nisën ndeshjen me “marshin e pestë”, teksa zhbllokuan llogaritë që në minutën e pestë. Gjatë zhvillimit të një goditje këndi, Akanji u tregua i saktë nga brenda zonës, duke ndëshkuar mysafirët. Goli i dytë nuk vonoi shumë, portieri i skuadrës daneze, Grabara, nuk kontrolloi si duhet një goditje të fortë të Alvarez.
Spetakli i pjesës së parë nuk kishte fund, pasi norvegjezi Mohamed Elyounoussi ngushtoi shifrat në të 29-tën minutë.
Në të 45-tën, Haaland thelloi shifrat. Në pjesën e dytë, për “Qytetarët” kualifikimi ishte thjeshtë një formalitet.
Në fazën tjetër kaloi edhe Real Madrid. Pas suksesit 1-0 në përballjen e parë ndaj Leipzig, në Estadio Santiago Bernabéu (Madrid), ekipi madrilen nuk shkoi më shumë se një barazimin 1-1.
Gjermanët dominuan në pjesën e parë, por nuk konkretizuan rastet para portës së Los Blancoss. Në minutën e 65-të, Vinicius “tundi rrjetën”, ndërsa vetëm pak më vonë, Orban vendosi ekuilibrat në 1-1.
Discussion about this post