Skuadra e Manchester City-t ka fituar me rezultatin minimal 1-0 ndaj ekipit të Ëolves për ndeshjen e javës së 16 të Premier League.
Ekipi i drejtuar nga trajneri Pep Guardiola ka kryer detyrën dhe ka siguruar edhe tre pikë të tjera, duke vazhduar kështu shkëputjen në krye të tabelës së elitës së futbollit anglez.
Ndeshja është dominuar thuajse e gjitha nga ekipi i ‘Citizenëve’, por në pjesën e parë të këtij takimi kanë munguar golat.
Ndërsa në minutën e 66-ë, Guardiola i besoi Sterling penalltinë, e cila u finalizua nga anglezi me një 3-pikësh. Rikthimi i lojtarit të kombëtares së ‘Tre luanëve’ në formacionin e City-t dhe në realizimin e golit i rregullon sadopak pozitat e lojtarit, që thuhet se do të largohet nga kampionati i Premier League në janar, pasi është i pakënaqur nga mungesa e minutazhit që ka pasur deri më tani.
Pas këtij takimi Manchester City vijon të mbajë i sigurt vendin e parë të kampionatit, teksa Wolves renditet në vend të 8 me 21 pikë dhe rrezikon të bjerë në renditje pas përfundimit të raundit të 16 nga të gjitha skuadrat e Premier League./K.T/Gijotina.com
Discussion about this post